CASHLESS
Unha das grandes novidades deste ano é a incorporación do sistema cashless, que substitúe o tradicional método de pago con Xesteiros.
Cashless, ou “sen efectivo”, é un sistema de pagamento onde as transaccións se realizan sen utilizar diñeiro físico (billetes ou moedas). En vez diso, empregaranse métodos dixitais como pulseiras con chip NFC —que será o noso caso— para facer compras e pagos dentro do recinto da festa.
Cada persoa poderá recargar diñeiro nunha pulseira, que usará para pagar.
Se aínda gardas Xesteiros doutros anos, poderás utilizalos para recargar a túa pulseira tamén.
As pulseiras repartirémolas na caseta de troco de moeda. Entregaranse sen saldo, e poderás recargalas alí mesmo con tarxeta ou en efectivo.
Non é necesario que cada persoa leve unha pulseira: pensa no custo e na comodidade. Funciona como unha carteira compartida.
Si! A pulseira será persoal e intransferible e será o único método de pagamento aceptado en todo o recinto do festival: tanto nas barras, como nos postos de comida e na tenda oficial de ANM.
As únicas excepcións serán os postos da Feira de Artesanía e as rosquilleiras, que seguirán funcionando con pago en efectivo ou tarxeta bancaria.
Non, a pulseira é totalmente de balde.
Poderás consultar o saldo en calquera punto físico de recarga cashless ou directamente nun punto de venda dentro do recinto.
Si. Unha vez rematada a festa, poderás solicitar o historial das túas transaccións enviando un correo a info@asnosasmusicas.gal, indicando o número da túa pulseira.
A pulseira funciona como unha carteira: contén o teu saldo, é persoal e non se pode transferir nin duplicar.
Por iso, cóidaa ben! Levarala posta na boneca cun peche de seguridade, deseñado para evitar perdas accidentais.
⚠️ En caso de perda ou roubo, non poderemos recuperar nin reembolsar o saldo que tivese a pulseira. Mantén o coidado como se fose diñeiro en metálico.
Unha vez rematada a festa, poderás recuperar o saldo restante da túa pulseira. Terás dúas opcións:
✅ Recuperación en liña:
Desde a túa conta Cashless, poderás solicitar a devolución entre:
o domingo 17/08/2025 ás 15:00 h e o domingo 31/08/2025 ás 23:59 h.
O código posterior é a “chave” que identifica a túa pulseira e permite reembolsar o saldo non consumido. Non perdas a pulseira ata completar o proceso!
PASO 1 – Accede á ligazón
Atopa o código gravado no dorso do chip da pulseira e fai clic na ligazón que facilitamos para a devolución. Esa ligazón levarate directamente á páxina de reembolsos.
PASO 2 – Ten á man os teus datos
Prepara o teu nome completo, teléfono ou correo de contacto e o IBAN da túa conta bancaria: necesitara-los para completar o formulario.
PASO 3 – Cubre o formulario
No formulario validarase que o código da pulseira é correcto e está vinculado coa túa entrada. Introduce os teus datos de contacto e o IBAN para que poidamos efectuar a transferencia.
PASO 4 – Agarda a transferencia
Pechado o prazo de solicitudes, enviaremos a orde ao banco; normalmente tarda menos dunha semana en ingresar o importe na túa conta. Recibirás correos de confirmación tanto ao rexistrar a solicitude como cando o reembolso quede programado.
✅ Recuperación presencial:
Habilitaremos tamén un punto físico de recuperación de saldo:
📍 O día 17 de agosto na Casa da Escola de Couso, entre as 16:00 e as 18:00 h.
⚠️ Lembra que é imprescindible traer a pulseira.
